Абавязковае страхаванне грамадзянскай адказнасці юрыдычных асоб і індывідуальных прадпрымальнікаў за шкоду, прычыненую дзейнасцю, звязанай з эксплуатацыяй асобных аб'ектаў

Ажыццяўленне абавязковага страхавання грамадзянскай адказнасці юрыдычных асоб і індывідуальных прадпрымальнікаў за шкоду, прычыненую дзейнасцю, звязанай з эксплуатацыяй асобных аб'ектаў, вызначаны Главой 10 Палажэння аб абавязковым страхаванні, зацверджанага Указам Прэзідэнта Рэспублікі Беларусь 18.03.2025 № 108.

Для заключэння дагавора страхавальнік можа звяртацца ў любое падраздзяленне Белдзяржстраху.

Дагавор страхавання заключаецца на падставе пісьмовай заявы страхавальніка.

Да заявы страхавальнікам прыкладаюцца:

- копіі дазволаў (пасведчанняў) на права выканання асобных відаў работ (аказання асобных відаў паслуг) пры ажыццяўленні дзейнасці ў галіне прамысловай бяспекі;
- копія пасведчання аб рэгістрацыі небяспечнага вытворчага аб'екта ў дзяржаўным рэестры небяспечных вытворчых аб'ектаў;
- пералік эксплуатуемых страхавальнікам аб'ектаў;
- копіі актаў (даведак) па выніках апошніх праверак, праведзеных нагляднымі органамі Міністэрства па надзвычайных сітуацыях;
- звесткі аб прад'яўленых страхавальніку патрабаваннях (прэтэнзіях) аб кампенсацыі шкоды, прычыненай ім іншым асобам у выніку ажыццяўлення дзейнасці, звязанай з эксплуатацыяй асобных аб'ектаў, за 3 гады, якія папярэднічалі звароту да страхоўшчыка;
- чэк-ліст, які змяшчае звесткі аб стане пажарнай бяспекі аб'екта (прадстаўляецца ў адносінах да аб'ектаў, указаных у пунктах 4 - 16 Пераліку);
- інфармацыя аб прызначаным тэрміне эксплуатацыі (выкарыстання) крыніцы іянізавальнага выпраменьвання (прадстаўляецца ў дачыненні да аб'ектаў, указаных у пункце 17 Пераліку).

Памеры гадавых страхавых узносаў па абавязковым страхаванні грамадзянскай адказнасці юрыдычных асоб і індывідуальных прадпрымальнікаў за шкоду, прычыненую дзейнасцю, звязанай з эксплуатацыяй асобных аб'ектаў, устанаўліваюцца згодна з дадаткам 18 да Палажэння аб абавязковым страхаванні, зацверджанага Указам Прэзідэнта Рэспублікі Беларусь 18.03.2025 № 108.

Страхавы ўзнос устанаўліваецца ў базавых велічынях і выплачваецца ў беларускіх рублях (электроннымі грашыма) зыходзячы з памеру базавай велічыні, устаноўленага на дзень пералічэння страхавога ўзносу (яго часткі).